قوباد تاڵەبانی جێگری سەرۆک وەزیرانی هەرێم پەیامێکی بە بۆنەی جەژنی سەری ساڵی نوێی ئێزدییەکانەوە بڵاوکردەوە و رایگەیاند، جەژنی سەری ساڵی ئێزدی لە هەموو خوشک و برایانی ئێزدی پیرۆز دەکەم و هیوای جەژنێکی خۆش و ساڵێکی بە دوور لە ناخۆشی و نەهامەتییان بۆ دەخوازم.
لە بەشێکی دیکەی پەیامەکەیدا دەڵێت، “ئێزدییەکان لە رەسەنترین پێکهاتەکانی کوردستان و ناوچەکەن، سەرباری هەموو ئەو غەدر و دوژمنکارییانەی لە مێژوودا دەرحەقیان کراوە، بەڵام شەرافەتمەندانە پارێزگارییان لە شوناسی خۆیان کردووە.”
لە کۆتایی پەیامەکەشیدا، قوباد تاڵەبانی هیوای بەسەربردنی رۆژانێکی پڕ لەخۆشی و شادییان بۆ دەخوازێت.
