دواى نزیكه‌ى 20 ڕۆژ له بێسه‌روشوێنبوونى ته‌رمه‌كه‌ى، ئه‌مڕۆ ته‌رمى شوانه‌كه‌ى لافاوه‌كه‌ى هه‌ولێر دۆزرایه‌وه.
نووسینگەی پارێزگارى هەولێر له ڕاگه‌یه‌ندراوێكدا ئاماژه‌ى به‌وه‌كردووه، “وێڕای دەستخۆشیمان لەهێزەکانى (بەرگری شارستانی، پۆلیس، ئاسایش، زێرەڤانى) و ڕێکخراوەکان و هەموو ئەو کەس و لایەنانەی لەگەڕان بەدوای دۆزینەوەی تەرمی قوربانیانی لافاوەکەی شەوی 2021/12/17، بەردەوامبوون کە به‌هۆیەوە 12 کەس گیانیان لەدەستداوە و 10 کەسیان تەرمەکانیان دۆزرایه‌وه، دوو هاوڵاتی بێسەروشوێن بوون بەناوەکانی( ئومێد شامل) و منداڵێک بەناوی (دانەر نەبەز)”.
ئاشكراشیكردووە، “ئەمڕۆ پێنجشەممە تەرمی ئومێد شامل دۆزرایەوە”.
هه‌ر به‌پێی ڕاگه‌یه‌ندراوه‌كه، تا ئێستا گەڕان بەدوای تەرمی دانەر نەبەزیش بەردەوامە.
