سەرۆکایەتیی شارەوانیی سلێمانی ڕایدەگەیەنێت، دەستکرا بە کاری قیرتاوکردن و نۆژەنکردنەوەی شەقامی سەرەکیی قەبرستانی ڕاپەڕین.
سەرۆکایەتیی شارەوانیی سلێمانی لە ڕاگەیەندراوێکدا بڵاویکردەوە، لەپێناو باشترکردنی سیمای شار و نۆژەنکردنەوەی شەقامە سەرەکییەکان، پاش بەدواداچوونی سەرۆکایەتیی شارەوانییمان، ئەمڕۆ لەلایەن تیمەکانمانەوە دەستکرا بە کاری قیرتاوکردن و نۆژەنکردنەوەی شەقامی سەرەکیی قەبرستانی ڕاپەڕین، بەتایبەت لەو مەودایەی دەکەوێتە نزیک مزگەوتی بەختەوەری.
ڕاشیگەیاند، ئەم نۆژەنکردنەوەیە بەمەبەستی چارەسەرکردنی کێشەی چاڵ و ناڕێکیی شەقام، زیادکردنی ئاسایشی هاتوچۆ و باشترکردنی سیمای گشتیی ناوچەکە ئەنجامدەدرێت، تیمەکانمان بە شێوەیەکی بەردەوام و بەوپەڕی دڵسۆزییەوە کاردەکەن تاوەکو لە کەمترین ماوەدا کارەکان تەواوبکرێن و شەقامەکە بە دۆخێکی باشتر بخرێتەوە خزمەتی شۆفێران و هاوڵاتییانەوە.
