پرۆسەی دابەشکردنی مووچەی مانگی ئازاری مووچەخۆرانی هەرێم ئەمڕۆ دەستپێدەکات و چەند توێژێک مووچەکانیان وەردەگرن.
وەزارەتی دارایی و ئابوری هەرێم، لیستی دابەشکردنی مووچەی مانگی ئازاری بڵاوکردەوە و بەپێی ئەو لیستە، ئەمڕۆ شەممە مووچەی (کەسوکاری شەهید و ئەنفالکراوان، زیندانە سیاسییەکان، خاوەن پێداویستی تایبەت، خانەنشینی شارستانی، خانەنشینی پێشمەرگە) دابەشدەکرێت.
بەپێی لیستەکە بڕیارە تاکو رۆژی دووشەممە 8ی نیسانی 2024 مووچەی مانگی ئازاری سەرجەم مووچەخۆرانی هەرێم دابەشبکرێت.
