شاڵاو هیدایەت، شارەزای بواری کەشناسی دەڵێت، “بارانێکی دیکەی باش ناوچەکانی هەرێمی کوردستان دەگرێتەوە لە نێوان کۆتا رۆژەکانی رەمەزان و رۆژانی جەژندا دەبێت.”
بە گوێرەی قسەکانی شاڵاو هیدایەت، لە رۆژی دووشەممەی داهاتووەوە کە کۆتا رۆژەکانی مانگی رەمەزان دەبێت، گۆڕانکاری لە کەشوهەوادا دروستدەبێت و پێشبینی دەسپێکردنەوەی بارانبارین دەکرێت، ئەوەش بەهۆی زیادبوونی رێژەی شێ لە هەوادا بەهۆی شەپۆلی دەریای سوور و دەریای ناوەڕاست.
کەشناسەکە دەشڵێت، بارانبارین لە رۆژانی جەژنیشدا بەردەوامی دەبێت و باراناوی دەبێت، ئەم سیستەمە بەتەواوی بەشێوازی ناسەقامگیری کەش دەبێت و تاوەبارانی بەخوڕ و هەورەبروسکەی بەهێز و تەرزەی لەگەڵ دەبێت.
بە گوێرەی پێشبینییەکانی دەستەی کەشوهەوای عێراقیش، لە رۆژی یەکشەمەی داهاتووەوە گۆڕانکاری لە کەشوهەوادا دروست دەبێت و شەپۆلێکی دیکەی بارانبارین روو لەناوچەکە دەکات.
