ئاراس جەبار، شارەزای بواری کەشناسی ڕایگەیاند، لە ڕۆژی هەینییەوە بارستەهەوایەکی فێنک لە دەریای ناوەڕاستەوە ڕوو لە ناوچەکەمان دەکات و لە ئەنجامدا پلەی گەرما لە سەرجەم ناوچەکان نزیکەی 3 پلە دادەبەزێت.
وتیشی، لە سەرەتای هەفتەی داهاتووەوە کاریگەریی بارستەهەواکە زیاتردەبێت و پلەی گەرما بەڕێژەی زیاتر نزمدەبێتەوە.
بەگوێرەی زانیارییەکانی ئەو کەشناسە کوردە، لە 28ـی ئەم مانگەوە شەپۆلی گەرما بۆسەر ناوچەکەمان دەستپێدەکات و جارێکی دیکە پلەی گەرما ڕوو لە بەرزبوونەوە دەکات.
