ئەمڕۆ لە گەڕەکی کوردساتی شاری سلێمانی ئاگر لە کۆگایەک کەوتەوە و تا ئێستا کۆنتڕۆڵ نەکراوە.
پەیامنێری تۆڕی میدیایی ئێستا گواستییەوە، ئەمڕۆ چوارشەممە ئاگر لە نهۆمی خوارەوەی تەلارێک کەوتووەتەوە، کە وەک کۆگا بەکارهاتووە.
ئاشکراشیکرد، تا ئێستا هۆکاری کەوتنەوەی ئاگرەکە ئاشکرانەکراوە، بەڵام تیمەکانی بەرگریی شارستانیی گەیشتوونەتە شوێنی رووداوەکە و سەرقاڵی کۆنتڕۆڵکردنی ئاگرەکەن.
