قوتابخانەیەک لە گوندی شاوازیی سەر بە قەزای دەربەندیخان، هێرشیکرایەسەر و کەلوپەلەکانی بەتەواوی تێکدرا، بەڕێوەبەری قوتابخانەکەش گومانی لە خوێندکارەکانی هەیە.
مامۆستا موختار، کە بەڕێوەبەری قوتابخانەکەیە، ڕووداوەکەی بۆ تۆڕی میدیایی ئێستا باسکرد و وتی، “پێشنیوەڕۆی ئەمڕۆ یەکشەممە لەلایەن چەند کەسێکەوە هێرشکراوەتە سەر قوتابخانەکەمان و کەلوپەل و کەرەستەکانی قوتابخانەکە بەتەواوی تێکدراون”.
ئاماژەی بەوەشکرد، زیانی نزیکەی 12 ملیۆن دینار بەر قوتابخانەکە کەوتووە و “گومانیشمان لە خوێنکارەکانی خۆمان هەیە لە قۆناغەکانی 7، 8 و 9ی بنەڕەتی”.
