دابەشکردنی مووچەی مانگی شوباتی مووچەخۆرانی هەرێمی کوردستان بەردەوامە و ئەمڕۆ چەند شوێنێکی دیکە مووچەکانیان وەردەگرن.
بەپێی ئەو لیستەی وەزارەتی دارایی هەرێم بۆ مووچەی مانگی شوباتی 2024 بڵاویکردووەتەوە، ئەمڕۆ سێشەممە مووچەی وەزارەتەکانی کارەبا، خوێندنی باڵاو توێژینەوەی زانستی، کاروباری شەهیدان و ئەنفالکراوان، دابەشدەکرێت.
هەربەپێی لیستەکە، ئەمڕۆ مووچەی توێژەکانی کەسوکاری شەهیدان، زیندانییە سیاسییەکان، خانەنشینانی پێشمەرگە بۆ مانگی شوبات، دابەشدەکرێت.
ئەوە لەکاتێکدایە ئێستا لە مانگی نیسانداین، بەڵام نازانرێت کەی مووچەی مانگی ئازار دابەشدەکرێت و سێ مووچەی کۆتایی ساڵی رابردووش دابەشنەکراون و چارەنووسیان نادیارە.
