لە سلێمانی سێ كەس بە تۆمەتی مامەڵەكردن بە دراوی ساختەوە دەستگیركران

پۆلیسی سلێمانی ڕایگەیاند، لە دوو چالاكیی جیاجیادا، سێ تۆمەتباریان بە تۆمەتی مامەڵەكردن بە دراوی ساختەوە دەستگیركرد.

بەڕێوەبەرایەتیی پۆلیسی پارێزگای سلێمانی لە ڕاگەیەندراوێكدا ئاماژەی بەوەكردووە، “ڕۆژی 7/8/2021، چەند خاوەن دوكانێك بنكەی پۆلیسی سەرایان ئاگاداركردەوە، كە لەكاتی مامەڵەكیاندا پارەی ساختەیان دراوەتێ”.

ئاماژەی بۆ ئەوەشكردووە، “دوای وەرگرتنی بڕیاری دادوەر، بنكەی پۆلیسی سەرا لێكۆڵینەوە و بەدواداچوونەكانی دەستپێكرد و گومان خرایە سەر دوو تۆمەتبار، توانرا لە ڕۆژی 11/8/2021 هەردوو تۆمەتبار لەلایەن بنكەی پۆلیسی سەراوە دەستگیربكرێن”.

پۆلیسی سلێمانی باسی لەوەشكردووە، “لەكاتی دەستگیركردنی تۆمەتبارەكاندا دەستیشگیرا بەسەر بڕی 14 ملیۆن دیناری عێراقیی ساختەدا، لەگەڵ بڕێك دۆلاری ئەمریكیی ساختە و ئوتۆمبێلێك كه بە تۆمەتبارەكان بووە”.

هەر بەپێی ڕاگەیەندراوەكە، لە چالاكییەكی دیكەدا “بنکەی پۆلیسی ڕزگاری تۆمەتبارێکیان بەناوی ( ب، ح، ف) لەدایکبووی (1999) لە شەقامی سالمی سلێمانی دەستگیرکردووە، کە بڕێک دراوی بیانیی ساختەی پێبووە و بەنیازبووە ساغیبکاتەوە”.

ڕاشیگەیاندووە، “لەئێستادا هەرسێ تۆمەتبارەكە، كە كوردن، بەبڕیاری دادوەر ڕاگیراون و لێكۆڵینەوەكان بەردەوامن”.

بابەتی پێشتر

ئەمنستی: بریندارەکانی نەغەدە لەترسی دەستگیركردنیان نەچوونەتە نەخۆشخانە

بابەتی دواتر

موسەننا ئەمین: كۆنگرەی وڵاتانی دراوسێ هیچ شتێكی گەورەی لێ چاوەڕوانناكرێت

بابەتی پەیوەندیدار
Total
0
Share