لە هەڵەبجە ژمارەیەک ماسیی مردارەوەبوو لەناوبران کە خاوەنەکەی دەیویست لە بازاڕدا ساغیان بکاتەوە.
قائیمقامیەتی هەڵەبجە لە راگەیەندراوێکدا بڵاویکردەوە، ئەمڕۆ لەبازگەی زەمەقییەوە ئاگادار کراینەوە لەهەبوونی بڕێک ماسیی مردارەوەبوو کە خاوەنەکەی بەنیازی ساغکردنەوەی بوو لەناوشاری هەڵەبجە ، دوای سەردانیکردنی مەیدانیی لیژنەکەو پشکنین بۆ ماسییەکان دەرکەوت کەشیاوی خواردن نەبوون، چونکە به هۆی نەخۆشییەوە مردار بووبوونەوە.
قائیمقامیەتی هەڵەبجە دەڵێت، لەبەر ئەوە دەستمان بەسەردا گرتن و لەناومان بردن، خاوەنەکەی رووبەڕووی رێکاری یاسای کرایەوە.
