دوای ئەوەی دوێنێ 24 ی کانونی یەکەم، پاڵاوگەیەکی سوتەمەنی ئاگری گرت و بەهۆیەوە سێ کرێکار گیانیان لە دەستدا، پاڵاوگەکەش لە ڕونکردنەوەیەکدا دەڵێت ڕەزامەندی لە بەشی سەلامەتی وەرگیراوە و پاشان کاری تێداکراوە.
لە ڕونکردنەوەی پاڵاوگەکەدا هاتووە” دوای رەزامەندی وەرگرتن لە بەشی سەلامەتی لە پاڵاوگەکە کار لەو عەمبارەدا کراوە و رووداوەکەش لە دوایین کاژێری چاککردنەوەی عەمبارەکە ڕویدا، چونکە کۆگایەکی هەڵگرتنی سووتەمەنی کە دەبوو نۆژەن بکرێتەوە لە 30-11-2020دا بەتاڵ کرا. دوای ئەوەی رەزامەندی بەشی سەلامەتی لە پاڵاوگە وەگیرا، دەست بە کارکردن کرا تێیدا”.
پاڵاوگەکە ئاماژەی بەوەشکردووە، “نزیکەی 13 رۆژ کاری تێدا کرا و لە دوایین رۆژدا کە 24-12-2020 بوو، دروست لە دوایین کاتژمێری چاککردنەوەیدا ڕوداوێکی نەخوازراو ڕویدا و بەداخەوە سێ کارمەندمان گیانیان لەدەستدا و دوو کارمەندی دیکەشمان برینداربوون”.
بەپێی ڕونکردنەوەی پاڵاوگەکە لیژنەیەک لە پسپۆڕانی بیانی پێکهێنراوە بۆ دۆزینەوە و دەستنیشانکردنی هۆکاری ئاگرکەوتنەوەکە کە بووەهۆی گیان لە دەستدانی سێ کەس.
لە ڕوداوێکی هاوشێوەدا ڕۆژی 17 ی ئەم مانگە ئاگر لە پاڵاوگەیەکی سوتەمەنی لە دهۆک کەوتەوە و بەهۆیەوە کرێکارێک گیانی لە دەستدا کە خەڵکی شاری بۆکان بوو لە ڕۆژهەڵاتی کوردستان.
