لە ئێوارەی ئەمڕۆوە شەپۆلێکی خۆڵبارین بەشێک لە ناوچەکانی هەرێمی گرتووەتەوە و ئاستی بینینی کەم کردووەتەوە.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، “شەپۆلێکى خۆڵبارین چەمچەماڵ و سلێمانى و هەندێک ناوچەى دیکەی گرتۆتەوە”.
ئاماژەی بەوەشکرد، “مەودای بینین لە سلێمانى بۆ 4 کیلۆمەتر و لە چەمچەماڵیش بۆ 3 کیلۆمەتر کەمبووەتەوە”.
بەپێی پێشبینییەکانی کەشناسیی هەرێم بۆ سبەینێ شەممە کاریگەری خۆڵبارین لەسەر ئەو ناوچانە نامێنن.
