مامۆستایانی نارازی رایدەگەیەنن بە قەرزداری و گیرفانی بەتاڵەوە دەوامدەكەین و حكومەتی هەرێم دەستیگرتووە بەسەر قووتی ژیانماندا و دەشڵێن، “لە سبەینێوە مامۆستایانی وانەبێژ سەرپشكن بایكۆتی هۆڵەكانی خوێندن بكەن”.
لە كۆنگرەیەكی رۆژنامەوانیدا لە شاری سلێمانی ژمارەیەك لە مامۆستایانی نارازی رایانگەیاند، هەموو لایەك ئاگادارن مووچەی مووچەخۆران بە بارمتە گیراوە و دەست بەسەر گیرفانی مووچەخۆراندا گیراوە لەكاتێكدا كە مووچەی مووچەخۆران خراوەتەسەر بەغداد و دادگای فیدڕاڵی بڕیاریداوە، بەڵام رێگری دەكرێت هەر بۆیە داوا لە نوێنەرانی كورد دەكەین لە هەمواری یاسای بودجەدا دەرچەیەكی یاسایی بدۆزنەوە كە وانەبێژان دابمەزرێندرێن.
جەختیانكردەوە کە بە قەرزداری و گیرفانی بەتاڵەوە دەوامدەكەن و حكومەتی هەرێم دەستیگرتووە بەسەر قووتی ژیانیاندا.
