لەسەرەتای ئەمساڵەوە تا ئێستا دوو کەسایەتیی دیاری ناو سیستمی پادشایەتیی بەریتانیا تووشی نەخۆشی شێرپەنجە بوون، راپۆرتێکیش ئاشکرایدەکات سیستمی پادشایەتی بەریتانیا بە دۆخێکی نائاساییدا تێدەپەڕێت.
پێگەی سی ئێن ئێن_ی ئەمریکی لە راپۆرتێکدا بڵاویکردەوە، لەدوای تووشبوونی هەریەکە لە پادشا چارلز و شازادە کەیت بە نەخۆشی شێرپەنجە خێزانی شاهانەیی بەریتانیا رووبەڕووی قەیرانێکی قورس بوونەتەوە کە لە سەردەمی نوێدا هاوشێوەی نەبووە بۆیان و سیستمی پادشایەتی لە وڵاتەکەدا بە دۆخێکی نائاساییدا تێدەپەڕێت.
ئاشکراشیکرد، لەم دۆخەی ئێستای کۆشکی شاهانەیی تێیکەوتووە هەریەکە لە شازادە ولیام و شاژنە کامێلا کاروباری شاهانە بەڕێوەدەبەن و حەوت ئەندامی خێزانی شاهانەش هاوکارییان دەکەن.
