تاڵیبان بۆ کاربەدەستانی حکومەت و بیانییەکان: ژیانتان پارێزراو دەبێت

دوای کۆنترۆڵکردنی تەواوی ئەفغانستان، تاڵیبان دڵنیایی دەدات بە کاربەدەست و لایەنگرانی حکومەت و ئەو بیانییانەی لە ئەفغانستان کاردەکەن، بەوەی ژیانیان پارێزراو دەبێت.

لەو بارەیەوە سەرکردەیەکی تاڵیبان وتی، “دوای شەڕی 20 ساڵەمان لەگەڵ هێزە بیانییەکان و هێزەکانی ئەفغانستان، هاتووینەتە پایتەخت، بۆیە دەمانەوێت شەڕ کۆتایی پێبێت، دڵنیایی دەدەین بە کاربەدەستانی حکومەت و ئەوانەی لەگەڵ هێزە بیانییەکاندا کاریانکردووە کە ژیانیان پارێزراو دەبێت”.

ئەو سەرکردەیەی تاڵیبان لەناو کۆشکی سەرۆکایەتیی ئەفغانستانەوە جەختی لە پارێزراوبوونی نێردە دیپلۆماتییەکان كردەوە و ڕایگەیاند، “چەندین گروپ چەکدارمان ناردووە بۆ پاراستنی بارەگا حکومییەکان و نێردە دیپلۆماتییەکان و هەر گروپێک پێکهاتووە لە 15 چەکدار، دەست بۆ کەس نابەین، ئەوانەشی لە فڕۆکەخانەن داوامان لێکردوون بگەڕێنەوە و ئێمە هیچ کاردانەوەیەکمان بەرامبەریان نابێت”.

هاوکات محەمەد نەعیم وتەبێژی تاڵیبان ڕایگەیاند، کەسیان سزانەداوە و کاربەدەستانی زۆربەی ویلایەتەکان لە ئەفغانستان ماونەتەوە و نەچوونەتە دەرەوەی وڵات.

جەختیشیکردەوە، نایانەوێت جەنگ و خوێنڕشتن ڕووبدات و ئامانجیان کۆتاییهێنانە بەو شەڕەی لە 40 ساڵی ڕابردوودا لە ئەفغانستان هەبووە.

بابەتی پێشتر

مەرجی ئەمریکا بۆ بە فەرمی ناساندنی تاڵیبان لە ئەفغانستان

بابەتی دواتر

دەمیرتاش ئامادەیە خۆی بۆ پۆستی سەرۆک کۆمار کاندید بکاتەوە

بابەتی پەیوەندیدار
زیاتر ببینە

ڕاپرسییەك: 14%ی خەڵك پێشبینی داگیركردنی زەوی دەكەن لەلایەن بوونەوەرە ‏ئاسمانییەكانەوە

ڕووپێوێكی جیهانی كە كۆمپانیایەكی ڕاپرسیی فەرەنسی (ئیبسۆس) ئەنجامیداوە، ‏دەریدەخات 14%ی دانیشتووانی جیهان باوەڕیانوایە لەمساڵدا داگیركارییەكی بوونەوەرە ‏ئاسمانییەكان ڕوودەدات.‏…
Total
12
Share