وتەبێژی ئەنجومەنی پێداچوونەوەی دەستووری ئێران رایگەیاند، محەمەد موخبەر، جێگری یەکەمی سەرۆک کۆماری ئێران ئەرکی سەرۆکایەتی وەردەگرێت.
وتەبێژەکە ئاماژەی بەوەکردووە، هیچ گرفتێک لە پڕکردنەوەی شوێنی سەرۆک کۆماری ئێراندا دروست نابێت بەپێی دەستوور و ئەم رێکارە بەبێ هیچ کێشەیەک تێپەڕ دەبێت.
بەیانی ئەمڕۆ لە نزیک کاتژمێر 7:30 خولەک، ئاژانسی هەواڵی میهری ئێران بڵاویکردەوە، ئیبراهیم رەئیسی سەرۆک کۆماری ئێران و ئەو تیمەی لەگەڵی بوون لە تێکشکاندنی هێلیکۆپتەرەکەیان، گیانیان لەدەستداوە و دواتریش حکومەت بە فەرمی هەوڵەکەی پشتراستکردەوە.
