یاریدەدەری بەرێوەبەری گشتیی پەروەردەی سلێمانی رایدەگەیەنێت، لە سنووری پەروەردەی سلێمانی 1208 ناوەندی خوێندن لە كۆی 1307 ناوەندی خوێندنی حكومی پڕۆسەی خوێندن تێیدا دەستیپێكردووەتەوە و خوێندنگەكان بەرووی خوێندكاراندا لە سلێمانی كراونەتەوە.
نەژاد عەبدوڵا یاریدەدەری بەڕێوەبەری گشتیی پەروەردەی سلێمانی لە كۆنفرانسێكی رۆژنامەوانیدا رایگەیاند، زیاتر لە 2500 مامۆستا بە نەهاتوو تۆماركرابوون و نەهاتنی ئەو مامۆستایانەش بە سزا هەژمارناكرێن.
راشیگەیاند، سەرجەم ناوەندەكانی خوێندنی سلێمانی دەستیان بە دەوامكردووەتەوە و رۆژانە پەیوەندیی راستەوخۆمان لەگەڵ بەرێوەبەرایەتییەكانی پەروەردەی سنووری پارێزگاكەدا هەیە.
وتیشی، “ئەنجومەنی وەزارەتی پەروەردە بڕیار لەسەر كاتی تاقیكردنەوە و كەمكردنەوەی پڕۆگرامەكان بۆ ئەمساڵی خوێندن دەدات”.
