ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، هەمواركردنەوەی یاسای بودجە سەرجەم كێشەكانی نێوان هەولێر و بەغداد و بە تایبەت پرسی نەوت چارەسەرناكات و پێویستی بە رێككەوتنی نێوان هەردوو حكومەتی عێراق و هەرێم هەیە.
جەمال كۆچەر ئەندامێكی لیژنەی دارایی لە ئەنجومەنی نوێنەرانی عێراق راگەیاندووە، هەمواركردنەوەی یاسای بودجە سەرجەم كێشەكانی نێوان هەولێر و بەغداد و بە تایبەت دۆسیەی نەوت چارەسەرناكات و ئەو پرسە پێویستی بە رێككەوتنی نێوان هەردوو حكومەتی عێراق و هەرێم هەیە.
وتیشی، “پابەندبوونی هەرێم بەو رێككەوتنەی كە لەگەڵ حكومەتی عێراقدا دەیكات، كلیلی چارەسەری بەشێكی زۆری كێشەكانە، چونكە پرسی نەوت دۆسییەیەكی گرنگە و پێویستی بە رێككەوتن و پابەندبوونی هەردوو حكومەت هەیە”.
