نوێنەری گشتیی مامۆستایانی گرێبەست، رایگەیاند، “داوا لە وەزارەتی پەروەردە دەکەین شوێنی فەرمانبەرە خانەنشینەکان بە مامۆستای لادراو پڕبکاتەوە”.
عەلی رەئوف، نوێنەری گشتیی مامۆستایانی گرێبەست رایگەیاند، “هەفتەی داهاتوو 10 هەزار مامۆستا و فەرمانبەری پەروەردە خانەنشین دەبن، ئەوەش باشترین هەلە بۆ دامەزراندنی سەرجەم مامۆستایانی وانەبێژی بەزۆر لادراو”.
باس لەوەش دەکات، “داوا لە وەزارەتی پەروەردە دەکەین لە شوێنی ئەو فەرمانبەرانەی خانەنشین دەبن مامۆستای وانەبێژی لادراو دابنێت”.
بەپێی بڕیارێکی حکومەتی هەرێم، فەرمانبەران لە تەمەنی 60 ساڵی خانەنشین دەکرێن کە پێشتر بە 63 ساڵی خانەنشین دەبوون.
