لەبارەی بەرزكردنەوەی ئاستی پیتاندنی یۆرانیۆم، یەكێتیی ئەوروپا هۆشداری بە ئێران دەدات و هەڕەشەی سزادانی دەكات.
ئێران بە فەرمی ڕایگەیاند، دەستیكردووە بە بەرزكردنەوەی پیتاندنی یۆرانیۆم لە بنكەی ئەتۆمیی فۆردو بە ڕێژەی 20%.
لە بەرامبەردا ئەمڕۆ دووشەممە 4ی كانونی یەكەم، پیتەر ستانۆ، وتەبێژی فەرمیی یەكێتیی ئەوروپا بە كەناڵی عەرەبییەی ڕاگەیاندووە، “پێویستە ئێران ڕابگیرێت لەوەی ببێت بە خاوەنی چەكی ئەتۆمی”.
ئاماژەی بەوەشكردووە، “زیادكردنی پیتاندنی یۆرانیۆم بەو ڕێژەیە ئێران دووچاری سزایەكی توند دەكاتەوە”.
ئەو هەنگاوەی ئێرانیشی بە پێشێلكردنی ڕێككەوتننامەی ئەتۆم ناوبردووە، كە لەنێوان ئێران و چەند وڵاتێكی یەكێتییەكەدا واژووكراوە.
