بەڕێوەبەرایەتیی کەشناسیی هەرێم بڵاویکردەوە، ئەمڕۆ و سبەینێ ئەگەری بارینی نمە باران هەیە و لە ناوچە شاخاوییەکان بەفر دەبارێت.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، ئەمڕۆ سێشەممە ئاسمان نیمچە هەور دەبێت لە هەندێک کات و ناوچە بۆ هەوری تەواو دەگۆڕێت، پێشبینی باران لە سنووری پارێزگای دهۆک بە شێوەی نمە بارانی کەم لە کاتەکانی شەودا هەیە، ناوچە شاخاوییە سنووریەکان و بەرزەکان ئەگەری بەفربارینیان هەیە.
ئاشکراشیکرد، سبەینێ چوارشەممە ئاسمان نیمچە هەور دەبێت و هەندێک کات هەوری تەواو دەبێت، ناوچە شاخاوییە سنووریەکان بەفر بارینی دەبێت لەکاتی جیا جیا، بەشێک لە سنووری پارێزگای دهۆک نمە باران دەبێت لە هەندێک کاتی دوای نیوەڕۆ.
