بەڕێوەبەری گشتیی بازرگانی لە وەزارەتی بازرگانیی هەرێم رایدەگەیەنێت، هۆکاری دواکەوتنی شایستەی دارایی جوتیاران بۆ کەمیی پارەی نەختینە لە بانکەکاندا دەگەڕێتەوە.
نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانیی هەرێمی کوردستان رایگەیاند، لە ئەنجومەنی وەزیرانی عێراق شایستەی گەنمی جوتیاران پەسەندکراوە، بەڵام کەمیی پارەی نەختینە لە بانکەکان هۆکارە بۆ دواکەوتنی پارەی جوتیاران.
وتیشی، لەم هەفتەیە یان هەفتەی داهاتوو، چاوەڕێین بڕێکی باش لە شایستەی گەنمی جوتیاران رەوانەی هەرێمی کوردستان بکرێت و راستەوخۆ لە رێگەی سایلۆکانەوە دابەشدەکرێت.
