ئەمڕۆ کۆتا یاریی قۆناغی کۆمەڵەکان بۆ عێراق بەڕێوەچوو، لە بەرامبەر ڤێتنام یاریکرد و بە 3 گۆڵ بەرامبەر بە 2 گۆڵ سەرکەوت بەسەریدا، ئەیمەن حسێن ئەستێرەی هەڵبژاردەی عێراق 2 گۆڵی تۆمارکرد و عێراق بە پلەی یەکەمی کۆمەڵەکەی گەیشتە قۆناغی 16ی جامەکە.
عێراق سێ یاری لە قۆناغی کۆمەڵەکان ئەنجاداوە لە هەر سێ یارییەکەدا سەرکەوتنی بەدەستهێناوە و لە کۆی سێ یارییەکە ئەیمەن حسێن 5 گۆڵی تۆمارکردووە و گۆڵکاری جامەکەیە تا ئێستا بەو ئەنجامە.
عێراق ئامانجی گەورەی هەیە لەم جامەدا و هەوڵی چڕ دەدات بۆ بەدەستهێنانی پاڵەوانێتییەکە، کاساسی راهێنەری عێراق جەختی لە ئامادەکاری چڕکردووەتەوە بۆ یارییەکان و بە باشی لە ئاستی یاریزانان دەڕوانێت.
