بەهۆی رژانی سووتەمەنییەوە رێگای دەربەندیخان-زەڕایەن داخرا و هاتوچۆش داوا لە شۆفێران دەكات رێگا جێگرەوەكان بەكاربهێنن.
بەڕێوەبەرایەتیی هاتوچۆی دەربەندیخان رایگەیاند، بەهۆی رژانی سووتەمەنی لەسەر شەقامی سەرەکیی (دەربەندیخان- زەڕایەن) نزیک گوندی بیرکێ، رێگاکە بەتەواوی داخراوە.
داواش لە شۆفێران دەكات لەئێستادا رێگا بەدیلەکان بەکاربهێنن وەک رێگاکانی ناوتاق و قەرەداغ و رێگای نەوتێ.
هاتوچۆی دەربەندیخان روونیشیدەكاتەوە، مەفرەزەکانیان و سەرجەم دامودەزگاکانی دەربەندیخان، لە هەوڵی کردنەوەی رێگاکەدان، بەڵام پێدەچێت چەند کاتژمێرێکی پێبچێت.
