بەڕێوەبەرایەتی كەشناسی و بومەلەرزەزانی هەرێمی كوردستان رایدەگەیەنێت، ئەمشەو باران بارینی پچڕپچڕ بەردەوامدەبێت لە زۆربەی ناوچەكانی هەرێم و لە هەندێك ناوچەی دیكەش بەفر دەبارێت.
بەپێی راگەیەندراوێكی بەڕێوەبەرایەتی كەشناسی و بومەلەرزەزانی هەرێمی كوردستان كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمشەو باران بارینی پچڕپچڕ لە زۆربەی ناوچەكانی هەرێم لە سنووری پارێزگای دهۆك و هەولێر بەردەوامدەبێت و هەورەتریشقەشی لەگەڵ دەبێت و لە هەندێك ناوچەی دیكەی هەرێم وەكو بامەرنێ و باتوفە و ئیدارەی سۆران و هیران.
هەر لە راگەیەندراوەكەدا هاتووە، هەروەها ناوچەكانی دوكان و ماوەت و بەرزنجە رێژەیەكی زیاتر باران دەبارێت ئەمە جگەلە بارینی بەفر لە ناوچە شاخاوییەكان.
