حکومەتی میسر پێدانی ڤیزای لەسەر منداڵان و کەسانی بەتەمەنی عێراق هەڵگرت.
بەپێی بڕیارێکی وەزارەتی گواستنەوەی میسر، لەمەودوا ئەو هاوڵاتییە عێراقییانەی تەمەنیان لە خوار 16 ساڵان و لەسەروو 60 ساڵانەوەیە بەبێ ڤیزا سەردانی میسر بکەن.
هەر بەپێی بڕیارەکە، هەر هاوڵاتییەکی عێراقی رێگەپێدانی کارکردنی کاتیی هەبێت بۆ ماوەی شەش مانگ دەتوانێت بەبێ ڤیزا سەردانی میسر بکات، بەمەرجێک پێش کۆتایهاتنی شەش مانگەکە دەبێت بگەڕێتەوە.
