كۆمسیۆن كۆتایی هاتنی ژماردن و جیاكردنەوەی دەستیی دەنگەكان لە سەرجەم پارێزگاكان رادەگەیەنێت.
بەرەبەیانیی ئەمڕۆ كۆمسیۆنی باڵای سەربەخۆی هەڵبژاردنەكان كۆتایی هاتنی پرۆسەی ژماردن و جیاكردنەوەی دەنگەكانی هەڵبژاردنی ئەنجومەنی پارێزگاكانی راگەیاند.
پێشتر عیماد جەمیل، یاریدەدەری وتەبێژی كۆمسیۆن رایگەیاند، دوو گەورەترین ناوەند كە ژماردن و جیاكردنەوەی دەنگەكانی تیادەكرێت بریتین لە ناوەندی كەرخ كە 346 وێستگە و، ناوەندی رەسافە كە 224 وێستگەی تێدایە.
ئەوەشی وت، جیاكردنەوەی دەستی دەبێتەهۆی گۆڕانكارییەكی بچوك لە ئەنجامەكان و، كاریگەرییەكەی گەورە نابێت.
