لەناو ئەنجومەنی پارێزگای بابل شەڕ و دەمەقاڵێ لەنێوان چەند ئەندامێکی ئەنجومەنەکە دروستبوو و لەو کاتەشدا ئەندامێکیان تووشی جەڵتە بوو.
میدیاکانی عێراق بڵاویانکردەوە، ئەمڕۆ لەناو ئەنجومەنی پارێزگای بابل شەڕ و دەمەقاڵێ لەنێوان چەند ئەندامێکی ئەنجومەنەکە دروستبوو و بەهۆیەوە محەمەد مەنسوری ئەندامی ئەنجومەنەکە دۆخی تەندروستیی تێکچوو و بەپەلە گەیەندرایە نەخۆشخانە.
ئاشکراشیانکرد، بەپێی پشکنینە پزیشکییەکان ئەو ئەندامەی ئەنجومەنی پارێزگای بابل تووشی جەڵتەی دڵ بووە.
وێنەی ئەو ئەندامەی ئەنجومەنەکە لە تۆڕە کۆمەڵایەتییەکان لەدوای تێكچوونی دۆخی تەندروستیی بڵاوکراوەتەوە و کاردانەوەی زۆری بەدوای خۆیدا هێناوە.
