بەڕێوەبەری گشتیی بازرگانیی هەرێم رایدەگەیەنێت، ژمارەیەك مۆڵ و ماركێت لە سلێمانی بڕیاریانداوە نرخی كاڵا و شمەك هەرزان بكەن.
نەوزاد شێخ كامیل، بەڕێوەبەری گشتیی بازرگانیی هەرێم لە كۆنگرەیەكی رۆژنامەنووسیدا رایگەیاند، بەهۆی ئەو بارە داراییەی لە هەرێمی كوردستان هەیە بەهۆی نەبوون و نەناردنی مووچەوە، ژمارەیەكی بەرچاوی خەڵك ناتوانن كاڵای پێویست بۆ بژێوی ژیانیان دەستەبەربكەن.
ئەوەشی خستەڕوو، ئەو كۆمەڵە بازرگان و خاوەن ماركێتە هاتوون بە دەم بانگەوازەكەی وەزارەتی بازرگانی و پیشەسازییەوە و بڕیاریانداوە نرخی كاڵا خۆراكییەكانیان بەشێوەیەك داببەزێنن، كە هەژاران و ئەو كەسانەی توانای مادییان لاوازە بتوانن بیكڕن.
بەڕێوەبەری گشتیی بازرگانی ناوی ئەو بازرگان و خاوەن مۆڵ و ماركێتانەشی ئاشكراكرد، كە لە قۆناغی یەكەمدا بڕیاری هەرزانكردنی كاڵا خۆراكییەكانیان داوە.
