وادەی گەڕانەوەی سەرجەم حاجییانی هەرێمی كوردستان بۆ نیشتمان ئاشكراكرا.
ڕێوڕەسمەكانی بەجێهێنانی فەریزەی حەج كۆتاییان پێدێت و بڕیارە لە هەفتەی داهاتووەوە، گەڕانەوەی حاجییانی هەرێمی كوردستان لە سعودیەوە دەستپێبكات و پرۆسەكە ماوەی هەفتەیەك دەخایەنێت.
کاروان ستونی، وتەبێژی بەڕێوەبەرایەتیی گشتیی حەج و عومرەی هەرێمی کوردستان ڕایگەیاند، لە ڕۆژانی 18 بۆ 24ی ئەم مانگە، حاجییانی هەرێمی كوردستان لە سعودیەوە دەگەڕێنەوە وڵات.
