تەندروستیی سلێمانی نیشانەکانی توشبوون بە پەتای وەرزی دەخاتەڕوو، لەگەڵ ئەوەشدا هۆشداری بە هاوڵاتییان دەدات.
بەڕێوەبەرایەتیی گشتیی تەندروستیی سلێمانی رایگەیاند، پەتای ئەنفلۆنزای وەرزی نەخۆشییەكی درمی ڤایرۆسییە و دەبێتە هۆی هەوكردنی كۆئەندامی هەناسە و لەڕێگەی تێكەڵاویی و نزیكبونەوە و بەركەوتنی پرژی كۆكە و پژمەی كەسی توشبووەوە دەگوازرێتەوە.
بەڕێوەبەرایەتییەکە دەڵێت، نیشانەکانی تووشبوون بەو پەتایە بریتین لە هەبوونی تا و ئازاری جەستە و ماسولکە و کۆکە و پژمین و هەوکردنی قورگ و ئارەقکردنەوە و سەرئێشە و گێژبوون و هەستکردن بە ماندوێتی .
تەندروستیی سلێمانی هۆشداری بە هاوڵاتییان دەدات و دەڵێت، پێویستە کەسانی تووشبوو ڤاکسینی دژە ئەنفلۆنزای وەرزی بە بەردەوامی بەکاربهێنن و بەردەوام دەستیان بە خاوێنی بهێڵنەوە و بۆ رێگریکردن لە زیاتر بڵاوبوونەوەی پەتاکە لە شوێنە قەرەباڵغەکان دووربکەونەوە.
باس لەوەش دەکات، پێویستە کەسی تووشبوو دوربكەوێتەوە لە دەست لێدانی راستەوخۆ لەچاو و دەم و لەکاتی پژمین و كۆكەدا کلێنکس بەکاربهێنێت.
