وەزارەتی تەندروستیی عێراق بڵاویکردەوە، بۆ یەکەمجار لە لە نەخۆشخانەی ناسریە لە پارێزگای زیقار نەشتەرگەری چاندنی دڵی دەستکرد بۆ نەخۆشێک ئەنجامدرا.
بەپێی راگەیەندراوەکەی تەندروستیی عێراق، نەخۆشەکە تەمەنی 60 ساڵان بووە و تووشی شکستی دڵ بووە و جەستەی وەڵامی چارەسەرییەکانی نەداوەتەوە.
نەشتەرگەرییەکە لەلایەن تیمێکی پزیشکی عێراقی و ئەڵمانییەوە ئەنجامدراوە و سەرکەوتنی بەدەستهێناوە، بڕیارە لە ئایندەیەکی نزیکدا نەشتەرگەریی هاوشێوە بۆ چەند نەخۆشێکی دیکە ئەنجامبدرێت.
