بافڵ جەلال تاڵەبانی سەرۆکی یەکێتیی نیشتمانیی کوردستان پرسەنامەیەکی ئاڕاستەی کەسوکاری هونەرمەندی کۆچکردوو تاهیری خەلیلی کرد و رایگەیاند، کۆچی دوایی پێشمەرگە و هونەرمەندی نیشتمانپەروەر (تاهیر خەلیلی) لە دڵەوە نیگەرانیکردین.
لە بەشێکی پرسەنامەکەی بافڵ جەلال تاڵەبانیدا هاتووە، هونەرمەند تاهیر خەلیلی جگەلەوەی خاوەنی دەنگێکی رەسەن بوو، مرۆڤێکی بە هەڵوێست و پێشمەرگەیەکی دڵسۆزی کوردستان بوو.
ئاماژەی بەوەشکردووە، بۆ ئەم خەمە گەورەیە، پرسە و هاوخەمیی قووڵی خۆمان ئاڕاستەی بنەماڵە سەربەرزەکەی، هاوڕێیانی و هونەرمەندان دەکەین و هاوبەخشی ماتەمیانین، لەخوای گەورە داواکارم بە بەهەشتی بەرینی شادبکات و سەبووری بەهەموولایەک ببەخشێت.
