ئەندامێكی ئەنجومەنی نوێنەرانی عێراق رایدەگەیەنێت، “هەوڵەكان بەو ئاراستەیەن كە هەفتەی داهاتوو هەڵبژاردنی سەرۆكی ئەنجومەنی نوێنەرانی عێراق ئەنجامبدرێت و دەشڵێت، “دواخستنی و مانەوەی پەرلەمان بەبێ سەرۆك گونجاو نییە نە لە رووی یاسایی و نە لە رووی سیاسییەوە.
كاروان یاروەیس، ئەندامی ئەنجومەنی نوێنەرانی عێراق رایگەیاند، “هەوڵەكان بەو ئاراستەیەن كە هەفتەی داهاتوو هەڵبژاردنی سەرۆكی ئەنجومەنی نوێنەرانی عێراق ئەنجامبدرێت، چونكە دواخستنی و مانەوەی پەرلەمان بەبێ سەرۆك گونجاو نییە نە لە رووی یاسایی و نە لە رووی سیاسییەوە.
وتیشی، “ئاراستەیەك هەیە داوا دەكەن هەڵبژاردنی سەرۆكی پەرلەمان بخرێتە دوای پشووی وەرزی یاسادانانی پەرلەمان و هەڵبژاردنی ئەنجومەنی پارێزگاكان بە بیانووی پێدانی كات بە لایەنە سوننیەكان بە رێككەوتن لەسەر كاندیدێكی هاوبەش بۆ سەرۆكی پەرلەمان”.
ئاماژەی بۆ ئەوەش كرد، چاوەڕواندەكرێت لە سبەینێوە دەرگای خۆپاڵاوتن و تۆماركردنی كاندیدەكان بۆ سەرۆكی پەرلەمان بكرێتەوە و ناوەڕاستی هەفتە لە دانیشتنێكی نائاساییدا سەرۆكی پەرلەمان هەڵبژێردرێت.
