ئەنجومەنی داوەریی عێراق، ئەمڕۆ سێشەممە ئامارێکی فەرمیی مانگی حوزەیرانی ئەمساڵی بڵاوکردەوە، سەبارەت بە ژمارەی هاوسەرگیری و جیابوونەوە لەو مانگەدا.
ئەنجومەنەکە لە ئامارەکەدا رایگەیاندووە، لە مانگی حوزەیراندا پێنج هەزار و 880 حاڵەتی جیابوونەوەی هاوسەرانیان تۆمارکردووە.
ئاماژە بەوەکراوە ئامارەکە لە سەرجەم پارێزگاکانی عێراق وەرگیراوە، جگە لە پارێزگاکانی هەرێمی کوردستان.
ئامارەکە دەڵێت، بە تێکڕا لە رۆژێکدا 196 حاڵەتی جیابوونەوە تۆمارکراوە و لە هەر کاتژمێرێکدا هەشت حاڵەت تۆمارکراوە.
هەروەها دادگاکان لە مانگی حوزەیراندا 22 هەزار و 688 حاڵەتی هاوسەرگیرییان تۆمارکردووە.
