رۆزالین کارتەر خانمی یەکەمی پێشووتری ئەمریکا و هاوسەری جیمی کارتەر سەرۆکی پێشووتری ئەمریکا لە تەمەنی 96 ساڵیدا کۆچیدوایی کرد.
بنکەی کارتەر بڵاویکردەوە، دوای تووشبوونی بە نەخۆشی زەهایمەر شەوی رابردوو رۆزالین کارتەر کۆچیدوایی کردووە.
رۆزالین و جیمی کارتەر ماوەی 77 ساڵ هاوسەربوون، جیاواز لە زۆرینەی هاوسەری سەرۆکەکانی ئەمریکا چالاکییەکی کارای لە کایەی سیاسیدا هەبووە، راوێژکاری بووە و بەشداریی کۆبوونەوەکانی ئەنجومەنی وەزیرانی کردووە و بە ئاشکرا لەبارەی پرسە هەستیارەکانەوە قسەی کردووە.
پێشتر جیمی کارتەر رۆزالینی بە ئازیزترین هاوڕێی وەسفکردبوو و ئاماژەی بەوەکردبوو زۆرترین کاریگەریی لەسەر ژیانی هەبووە.
