لەگەڵ ڕاگەیاندنی گۆڕاوی ئۆمیکرۆن وەک یەکێک لە ڤایرۆسە جێنیگەرانییەکان، جۆ بایدن سەرۆکی ئەمریکا داوا لە ڕێکخراوی بازرگانیی جیهانی دەکات مافی موڵکداریی ڤاکسینەکانی کۆرۆنا بۆ کۆمپانیاکان هەڵبگرێت، لەپێناو خێراکردنی دروستکردن و بەرهەمهێنانیدا.
لە یەکەم کاردانەوەیدا دوای ڕاگەیاندنی گۆڕاوە نوێیەکەی کۆرۆنا وەک ڤایرۆسێک کە ”مایەی نیگەرانییە” لەلایەن ڕێکخراوی تەندروستیی جیهانییەوە، جۆ بایدن سەرۆکی ئەمریکا لە کۆبوونەوەی وڵاتانی ئەندام لە ڕێکخراوی بازرگانیی جیهانی داوای هەڵگرتنی مافی موڵکداریی بیرۆکەی ڤاکسینەکانی کۆرۆنای کرد و وتی، “ئەم هەواڵە گرنگیی هەنگاوی خێرامان نیشاندەدات”.
بایدن داواشی لە وڵاتانی دیکەی ڕێکخراوەکە کرد ژمارەیەکی زیاتری ڤاکسین ببەخشن بەو وڵاتانەی دەستیان پێیناگات، “ئەگەرنا پەتاکە کۆنترۆڵ ناکرێت”.
ئاماژەی بەوەشکرد، “تاوەکو لەسەر ئاستی جیهان کوتان بە ڤاکسینەکان نەگاتە ئاستێکی بەرز ناتوانین کۆنترۆڵی گۆڕاوەکانی کۆرۆنا بکەین لە ئێستا و داهاتووشدا”، داواشیکرد وڵاتانی جیهان دەستبەرداری مافی موڵکداریی بەرهەمهێنانی ڤاکسینەکان ببن.
ئەمە لەکاتێکدایە بەڕێوەبەری پەیمانگای ئەمریکی بۆ نەخۆشییە کوشندەکان ئەنتۆنی فاوچی ڕایگەیاند، ئەو گۆڕاوە نوێیە مایەی نیگەرانییە و “زەنگێکی مەترسیدارە”.
فاوچی دەڵێت، ئەو گۆڕاوە “ئۆمیکرۆن” تائێستا بەردەوامە لە گۆڕانکاری لە پێکهاتەکەیدا.
فاوچی بەشێک لە نیگەرانییەکان بۆ ئەگەری تێپەڕاندنی ئەو بەرگرییە ناودەبات کە ڤاکسینەکان لە جەستەدا دروستیدەکەن و دەڵێت، “نازانین ڤاکسینەکان کاریگەرییان لەسەری دەبێت یان نا؟ بەڵام بەمنزیکانە دەگەینە ئەو ئەنجامە”.
بابەتی پەیوەندیدار
هۆکاری لە کارکەوتنی بەشێک لە سایتە گەورە جیهانییەکان چی بوو؟
خوێنەران و بەکارهێنەرانی سایتە جیهانییە بەناوبانگەکان گلەیی ئەوەیان کردووە، کە ئەمڕۆ سێشەممە بەشێک لە وێبسایتەکان کاریان نەکردووە. بەکارهێنەران…
لاری كینگ مرد
لاری كینگ، میدیاكاری ناسراوی ئەمریكی، ئەمڕۆ شەممە 23ی كانونی دووەم لە تەمەنی 87 ساڵیدا مرد. هەواڵەكە لەلایەن كۆمپانیای…
توێژینەوەیەک: نەمانی هاوسەنگیت ئاماژەیە بۆ کێشەیەکی مەترسیدار
لەوانەیە هاوسەنگیی جەستەیی پەیوەندیی بە کارکردنی هەستکردن “مەعریفە”وە نەبێت، بەڵام توێژەرانی ژاپۆن لەم دواییانەدا سەرکەوتوو بوون لە پەرەپێدانی…