سەرۆكی دادگای فیدراڵیی عێراق رایدەگەیەنێت، بڕیاری هەڵوەشاندنەوەی ئەندامێتیی محەمەد حەلبوسی تانەی لێنادرێت.
جاسم محەمەد عەبود سەرۆكی دادگای فیدراڵیی عێراق جەختیكردووەتەوە كە دادگای فیدراڵی باڵاترین دەسەڵاتی دادوەرییە لە عێراق و بڕیاری هەڵوەشاندنەوەی ئەندامێتیی محەمەد حەلبوسی پێویستە سەرجەم دەسەڵاتەكان پێوەی پابەندبن و تانەی یاسایی لێنادرێت ئەوەش بەپێی ماددەكانی 93 و 94ی دەستوور كە ئاماژەی پێكراوە.
رۆژی سێشەممەی رابردوود دادگای باڵای فیدراڵیی عێراق لەسەر سكاڵای لەیس دلێمی بڕیاریدا بە دوورخستنەوەی محەمەد حەلبوسی لە ئەندامێتیی پەرلەمانی عێراق و سەرۆكی پەرلەمانی عێراق
