بەڕێوەبەرایەتیی ئاسایشی هەولێر رایدەگەیەنێت، كەسێكمان دەستگیركرد كە هێرشی كردبووە سەر كارمەندێكی نەخۆشخانەی فریاكەوتنی رۆژئاوای شاری هەولێر.
بەپێی راگەیەندراوێكی بەڕێوەبەرایەتیی ئاسایشی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای وەرگرتنی رەزامەندیی داوەری لێكۆڵینەوەی ئاسایشی هەولێر توانرا تۆمەتبارێك دەستگیر بكرێت كە هێرشی كردبووە سەركارمەندێكی نەخۆشخانەی فریاكەوتنی رۆژئاوای هەولێر.
هەر لە راگەیەندراوەكەدا هاتووە، ئەو كەسە كێشە و ئاژاوەی لەناو نەخۆشخانەكە دروستكردبوو دواتر و لە نەخۆشخانەكە تەقەی كردووە.
