هێماكانی بەهای نەوتی خاو لە جیهاندا، ماوەی چەند ڕۆژێكە بە سەوزی ماونەتەوە و نەوتی خاوی برێنتیش لە سەرووی 51 دۆلارەوە یاری دەكات.
لەكاتی بڵاوكردنەوەی ئەم هەواڵە بۆ ئەمڕۆ چوارشەممە 30ی كانونی یەكەم، بەهای یەك بەرمیل نەوتی خاوی برێنت بەرامبەرە بە 51 دۆلار و 27 سەنت بەوەش بەراورد بە نرخی تۆماركراوی پێشوو بە ڕێژەی 0.35% بەرزبوونەوەی بەخۆیەوە بینیوە.
هەروەها بەهای یەك بەرمیل نەوتی خاوی تێكساس (ئەمریكا) بەرامبەرە بە 48 دۆلار و 25 سەنت، بەوەش بەراورد بە نرخی تۆماركراوی پێشوو بە ڕێژەی 0.52% بەرزبوونەوەی بەخۆیەوە بینیوە.
بەگوێرەی ناوەندە ئابورییە جیهانییەكان، جوڵەكانی ئەمریكا بۆ پاڵپشتیكردن لە بەهای دۆلار و ئابوریی وڵاتەكەی هۆكارێكی بەهێزە بۆ بەرزبوونەوەی بەهای نەوتی خاو.
پێشبینی ئەوەش كراوە، لەگەڵ كوتانی جیهان بە ڤاكسینەكەی دژە كۆرۆنا و ئاساییبوونەوەی جوڵە بازرگانییەكان، ئەگەری هەیە بەهای نەوت بەهێزەوە بەرز ببێتەوە.
