لە سنووری قەزای مەخمور شەڕ لە نێوان هێزەكانی پێشمەرگە و سوپای عێراق روویدا و قوربانی لە هەردوولا هەیە.
بەپێی ئەو زانیارییانەی لە سنووری قەزای مەخمورەوە بە تۆڕی میدیایی ئێستا دراون، كاتژمێر 4ی پاشنیوەڕۆی ئەمڕۆ شەڕ لە نێوان هێزەكانی پێشمەرگە و سوپای عێراق روویداوە و بەهۆیەوە پێشمەرگەیەك شەهیدبوو و 11 پێشمەرگەی دیكەش برینداربوون كە لە نێو بریندارەكاندا دوو ئەفسەر هەن.
ئاماژە بۆ ئەوەش كراوە، لە سوپای عێراقیش سەربازێك كوژراوە و 6 برینداربووە و 11 سەربازی سوپای عێراق بەدیل گیراون و لە ئێستادا بەرپرسانی سوپای عێراق لە سنوورەكەن و هەوڵی هێوركردنەوەی دۆخەكە دەدەن.
