وەزارەتی دارایی هەرێم خشتەی داهات و خەرجیی هەرێمی كوردستان لە شەش مانگی سەرەتای ساڵی 2023دا بڵاوكردەوە و دەشڵێت، “لەمەودوا ڕاپۆرتی خەرجی و داهاتی هەرێمی كوردستان هەر شەش مانگ جارێك بڵاودەكرێتەوە”.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، لەسەر بنەمای پەیڕەوكردنی شەفافییەت و لەپێناو جێبەجێكردنی سیاسەتێكی روون و ئاشكرا بۆ بەڕێوەبردنی دارایی و ئابوریی هەرێمی كوردستان لە چوارچێوەی كارنامەی چاكسازیی كابینەی نۆیەمی حكومەتی هەرێم بە بڕیاری وەزیری دارایی لەمەودوا ڕاپۆرتی خەرجی و داهاتی هەرێمی كوردستان هەر شەش مانگ جارێك بڵاودەكرێتەوە.
هەر لە راگەیەندراوەكەدا هاتووە، سەرجەم داتا و زانیارییەكانی لەلایەن لیژنەی هاوبەشی دیوانی چاودێریی دارایی عێراق و هەرێمی كوردستان وردبینی و پەسەندكراوە.
