جڤاتى نیشتمانیی گۆڕان ده‌سته‌یه‌كى ڕاگوزه‌ر بۆ به‌ڕێوه‌بردنى بزوتنه‌وه‌كه‌ هه‌ڵده‌بژێرێت ‏

بڕیاره‌ ئه‌مڕۆ جڤاتى نیشتمانیی بزوتنه‌وه‌ى گۆڕان ده‌سته‌یه‌كى ڕاگوزه‌ریی حه‌وت بۆ نۆ ‏كه‌سی بۆ به‌ڕێوه‌بردنى بزوتنه‌وه‌كه‌ هه‌ڵبژێرێت.‏

سه‌رچاوه‌یه‌ك له‌ جڤاتى نیشتمانیی بزوتنه‌وه‌ى گۆڕانه‌وه‌ به‌ تۆڕی میدیایی ئێستاى وت، ‏پێشنیوه‌ڕۆی ئه‌مڕۆ چوارشه‌ممه‌ جڤاتى نیشتمانی له‌سه‌ر ڕه‌شنووسی به‌ڕێوه‌بردبردنى ‏گۆڕان بۆ قۆناغێكى ڕاگوزه‌ری، كه‌ سێ تا چوار مانگ دەخایەنێت، كۆده‌بێته‌وه‌. ‏

بڕیارە لە كۆبوونەوەكەدا ‌تاوتوێی ده‌سه‌ڵاته‌كانى ده‌سته‌ كاتییەكە‌ و ژماره‌ى ئه‌ندامەكانى ‏ده‌كرێت. ‏

ئه‌و سه‌رچاوه‌یه‌ى جڤاتى نیشتمانیی گۆڕان ئاشكراشیكرد، ژماره‌ى ئه‌ندامه‌كانى ده‌سته‌كه‌ ‏له‌نێوان حه‌وت بۆ نۆ كه‌س ده‌بێت، له‌ ئێستاشدا نزیكه‌ى 20 كه‌س ناویان ده‌هێنرێت، ئەگەر ‏هەیە لە كۆبوونه‌وه‌كه‌ى ئه‌مڕۆی جڤاتدا بڕیاری كۆتایی له‌باره‌ى هه‌ڵبژاردنی ئەندامانی ‏دەستەكە و ده‌سه‌ڵاتەكانی بدرێت. ‏

ڕوونیشیكرده‌وه‌، كارى ئه‌و ده‌سته‌یه‌ تاوه‌كو به‌ستنى كۆنفرانسی نیشتمانی ده‌بێت و دواى ‏ئه‌وه‌ كاره‌كانیان كۆتایی دێت. ‏

بزوتنه‌وه‌ى گۆڕان له‌ هه‌ڵبژاردنه‌كانى پێشوەختەی ئه‌نجومه‌نى نوێنه‌رانى عێراق هیچ ‏كورسییەكی نەهێنا، دواتر ڕێكخه‌ر و ئه‌ندامانى خانه‌ى ڕاپه‌ڕاندنى بزوتنه‌وه‌كه‌ ده‌ستیان ‏له‌كاركێشایه‌وه‌، بۆیه‌ گۆڕان ده‌یه‌وێت له‌ ڕێگه‌ى دیاریكردنى ئه‌و ده‌سته‌یه‌وه‌ خۆی له‌و ‏دۆخه‌ ڕزگاربكات.‏

بابەتی پێشتر

سعودیه‌ به‌تۆمه‌تى گه‌نده‌ڵی به‌رپرسێكى ده‌سته‌ى "فه‌رمان به‌ چاكه‌ و دووركه‌وتنه‌وه‌ له‌ ‏خراپه‌"ى ده‌ستگیركرد

بابەتی دواتر

بەهۆی لێدانی سروودێكی بەعسەوە كافتریایەك لە هەولێر داخرا

بابەتی پەیوەندیدار
زیاتر ببینە

ئەژی ئەمین لە یەكێتی دەركراوە

بەپێی چەند بەڵگەنامەیەك كە دەست تۆڕی میدیایی ئێستا كەوتووە، سەرۆكایەتیی یەكێتی نیشتمانیی كوردستان بڕیاری دەركردنی سەلمان ئەمین نادر…
Total
0
Share