بریكاری پێشووتری وەزارەتی دارایی عێراق رایدەگەیەنێت، لە بەغداد هەوڵێک بۆ چارەسەركردنی كێشەی مووچەی مووچەخۆرانی هەرێم هەیە و دەشڵێت، “بەپێی دەستوور عێراقییەكان لە ئەرك و مافدا یەكسانن و دەبێت حكومەتی عێراق رێگایەك بدۆزێتەوە كە مووچەی مووچەخۆرانی هەرێم بدات”.
د. فازڵ نەبی بریكاری پێشووتری وەزارەتی دارایی عێراق لە دیدارێكی تەلەفزیۆنیدا رایگەیاند، پێویستە پرسی مووچە لە ئینفاقی فیعلی جیابكرێتەوە و كۆبوونەوەی ئەمڕۆی شاندی هەرێم و لیژنەی دارایی عێراق گرنگە، چونكە پەرلەمانی عێراق دەتوانێت رۆڵی گەورە بگێڕێت لە پرسی بودجە و مووچەی هەرێمی كوردستان.
راشیگەیاند، زانیاریی هەڵە لەبارەی داهاتی نەوتی و نانەوتی دراوە بە لیژنەی دارایی عێراق و پێویستی بە روونكردنەوە هەیە و لە ئێستادا لە بەغداد هەوڵێک بۆ چارەسەركردنی كێشەی مووچەی مووچەخۆرانی هەرێم هەیە و جگەلەوەش دەبێت بابەتی مووچە لە پرسی سیاسی دووربخرێتەوە.
