نوێنەری گشتیی مامۆستایانی گرێبەست رایدەگەیەنێت، دابەشنەكردنی مووچەی مانگی ئەیلولی مامۆستایانی گرێبەست بەهۆی نەبوونی پارەی نەختینە بووە لە بانكەكاندا.
عەلی رەئوف نوێنەری گشتیی مامۆستایانی گرێبەست لە لێدوانێكدا بە تۆڕی میدیایی ئێستای راگەیاند، بەهۆی نەبوونی پارەی نەختینە لە بانكەكاندا مووچەی مانگی ئەیلولی مامۆستایانی گرێبەست دابەشنەكراوە و ئەوەی باسدەكرێت كە بەهۆی بایۆمەترییەوە بووە هیچ بنەمایەكی نییە و دوورە لە راستییەوە و لە هەوڵداین كە بەزووترین كات مووچەی مانگی ئەیلولی مامۆستایانی گرێبەست دابەشبكرێت.
لەبارەی شایستەی مامۆستایانی وانەبێژ بۆ مانگی تەمموز و ئاب، نوێنەری گشتیی مامۆستایانی گرێبەست وتیشی، ” چاوەڕواندەكرێت لە مانگی داهاتوودا شایستەی مامۆستایانی وانەبێژ بۆ ئەو دوو مانگە خەرجبكرێت”.
