بەڕێوەبەرایەتیی بەرەنگاربوونەوەی توندوتیژی دژى ئافرەتان و خێزانی سلێمانى دەستگیرکردنی سێ کەسی راگەیاند کە کچێکی هەرزەکاریان رفاندبوو.
بەڕێوەبەرایەتیی بەرەنگاربوونەوەی توندوتیژی دژى ئافرەتان و خێزانی سلێمانى بڵاویکردەوە، “دوای ئاگاداركردنەوەی بەرێوەبەرایەتیی ئاسایشی رۆژئاوای سلێمانی لەلایەن هەواڵدەرێكەوە بەبوونی روودانی رفاندنی كچێكی تەمەن 15ساڵان لە شاری سلێمانی لەلایەن سێ تۆمەتبارەوە، دوای بەدواداچوونێكی وورد و دەستنیشانكردنی شوێنی هەڵهاتووەكان، وەرگرتنی بڕیاری دادوەر لە سنووری قەزای چەمچەماڵ دەستگیركران”.
ئاشکراشیکرد، “پاش دەستگیركردنیان تۆمەتباران دانیان بە تاوانەكەیاندا ناوە كە كچەكیان فریوداوە و رفاندوویانە و دواتر بردوویانە بۆ بەرێوەبەرایەتیی بەرەنگاربوونی توندوتیژیی دژی ئافرەتان و خێزان و هەڵهاتوون”.
باسیلەوەشکرد، “لە ئێستادا پەڕاوی لێكۆڵینەوە بۆ تۆمەتباران كراوەتەوە، بەبڕیاری دادوەر بەپێی ماددەی 421 لە یاسای سزادانی عێراقی تۆمەتباران راگیراون”.
