بەپێی پێشبینییەکانی کەشناسیی هەرێم، ئەمڕۆ و سبەینێ باران لە زۆرینەی ناوچەکانی هەرێم دەبارێت، لە ناوچە شاخاوییەکانیش بەفر دەبارێت.
بەڕێوەبەرایەتیی گشتی کەشناسی و بومەلەرزەزانی هەرێم رایگەیاند، ئەمڕۆ باران لە تەواوى ناوچەکەمان دەبارێت لە کاتى جیاجیا ، هەندێک کات نمە باران و هەندێک کات دەگۆڕێت بۆ بارانى مامناوەند ، لە دواى نیوەڕۆ سنوورى پارێزگاى سلێمانى بە تایبەت ناوچە شاخاوییەکان بارانى بەلێزمەى کورت خایەنى دەبێت پاشان لە شەودا لە بەشێکی سەنتەرى پارێزگاى هەولێر و بەشى باشوورى پارێزگاى هەولێر و ناوچە شاخاوییەکان بە بەراورد بە ناوچەکانى دیکە، بارانى زیاتر دەبێت.
باس لەوەش دەکات، بەفر لەسەر ناوچە سنوورییەکان و بەشێک لە لوتکەى شاخە بەرزەکان لە کاتەکانى شەودا دەبارێت ، پلەکانی گەرما بە نزیکەی 2 تا 3 پلە لە تۆمارکراوەکانی دوێنێ نزمتردەبنەوە.
لە بارەی کەشوهەوای سبەینێوە بەڕێوەبەرایەتییەکە دەڵێت، سبەی دووشەممە لە کاتەکانى بەرەبەیان ئاسمان هەور و کەمێک باران بارین دەبێت بەشێوەى نمە بارانى پچڕ پچڕ لەسەر ناوچە جیاجیاکان لەگەڵ دروستبوونى تەم لەکاتەکانى بەیانى، لەدواى نیوەڕۆ ئاسمان دەگۆڕێت بۆ نیمچە هەور کاریگەرى ئەم شەپۆلە کۆتایى دێت .
پلەکانی گەرما بە نزیکەى 2- 4 پلە بەراورد بە تۆمارکراوەکانی ئەمڕۆ بەرزدەبنەوە .
بەرزترین پلەکانی گەرمای پێشبینیکراو بە پلەی سیلیزی :
هەولێر : 13 پلەى سیلیزى
سلێمانی : 12 پلەى سیلیزى
دهۆک : 11 پلەى سیلیزى
کەرکوک : 14 پلەى سیلیزى
هەڵەبجە : 13 پلەى سیلیزى
زاخۆ : 11 پلەى سیلیزى
گەرمیان : 19 پلەى سیلیزى
حاجی ئۆمەران: 1 پلەى سیلیزى
سۆران : 10 پلەى سیلیزى
