محەمەد شیاع سودانی سەرۆک وەزیرانی عێراق لە کۆبوونەوەی لەگەڵ ڤلادیمیر پوتین سەرۆکی روسیا رایگەیاند، سەردانەکەی بۆ روسیا لە کاتێکی هەستیاردایە کە ناوچەکە بە ئاڵنگاری مەترسیداردا تێدەپەڕێت.
ئەمڕۆ محەمەد شیاع سودانی سەرۆک وەزیرانی عێراق بە سەردانێکی راگەیەندراو گەیشتە مۆسکۆ و لە کۆشکی کرملن لەگەڵ پوتین کۆبووەوە.
لە بەشێک لە وتەکانیدا سودانی ئاماژەی بەوەکرد، “ئێمە لەبەردەم راپەڕینێکداین کە گەلی فەلەستینی لە دژی دەسەڵاتی زایۆنی دەستیپێکردووە، بەڵام وەک دەیبینین ئیسرائیل بە شێوەیەکی هەڕەمەکی بۆردومانی فەلەستین دەکات.
سەردانەکەی سودانی بۆ روسیا بەمەبەستی پەرەدانە بە پەیوەندییە ئابووری و سیاسییەکانی هەردوو وڵات.
