ئەندامێکی ئەنجومەنی نوێنەرانی عێراق رایگەیاند، ئەو خوێندکارانەی لە دەرەوەی وڵات دەخوێنن و پێویستیان بە دۆلارە بە نرخی بانکی ناوەندی پێویستە فۆڕمی داواکاری پێشکەش بکەن و پشتگیری زانکۆکانیان پێشکەش بە بانکی ناوەندی بکەن.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق رایگەیاند، “لەسەر داوای ژمارەیەک لەو خوێندکارانەی لەدەرەوەی وڵات دەخوێنن و پێویستیان بە دەستکەوتنی دۆلارە بە نرخی فەرمی بۆ راییکردنی خەرجی و تێچووی خوێندنەکەیان، ئەمڕۆ پەیوەندیمان کرد بە بانکی ناوەندی عێراق و لە وەڵامیان بۆ ئەم بابەتە روونیانکردەوە کە هەموو ئەو خوێندکارانە بۆ دەستخستنی دۆلار پێویستە داواکارییەکانیان بەپێی ئەم فۆرمەی بڵاومکردووەتەوە لەگەڵ پشتگیری ئەو زانکۆیەی لێی دەخوێنێنن و پشتڕاستکرابێتەوە لەلایەن باڵیۆزخانە یان کونسوڵخانەی عێراق لەو وڵاتە پێشکەش بکەن بە یەکێک لە بانکە رێگەپێدراوەکان یان لقەکانی کۆمپانیا جیهانییەکانی ئاڵوگۆڕی دارایی وەک (یوسترن یونین و مونی گرام) لە عێراق”.
ئاشکراشیکرد، “دوای وردبینیکردنی دیکۆمێنتەکان خوێندکاران دەتوانن بە نرخی فەرمی دۆلار دەستبخەن”.
